ຍິນດີຕ້ອນຮັບສູ່ເວັບໄຊ ພະແນກສຶກສາທິການ ແລະ ກິລາ ແຂວງອັດຕະປື. 5 ຫຼັກມູນການສຶກສາ: ປັນຍາສຶກສາ, ຄຸນສົມບັດສຶກສາ, ແຮງງານສຶກສາ, ພະລະສຶກສາ ແລະ ສິລະປະສຶກສາ. 3 ລັກສະນະ: ລັກສະນະຊາດ, ລັກສະນະວິທະຍາສາດ ແລະ ທັນສະໄໝ, ລັກສະນະມະຫາຊົນ

ຄພສບ 8 ບ້ານ ແຂວງ ອັດຕະປືໄດ້ຮັບການເຝິກອົບຮົມການຄຸ້ມຄອງການປຸກສ້າງໂຮງຮຽນໂດຍຊຸມຊົນເປັນເຈົ້າການ.

JJ1 n
 
ຄພສບ 8 ບ້ານ ແຂວງ ອັດຕະປື ໄດ້ຮັບການເຝິກອົບຮົມການຄຸ້ມຄອງການປຸກສ້າງ
ໂຮງຮຽນໂດຍຊຸມຊົນເປັນເຈົ້າການ. icon new 
 
 
 
JJ2 nຄະນະພັດທະນາການສຶກສາຂັ້ນບ້ານ (ຄພສບ )ຈຳນວນ 8 ບ້ານ ທີ່ຂື້ນກັບເມືອງ ສະໜາມໄຊ ແລະ ເມືອງ ຊານໄຊ ແຂວງ ອັດຕະປື ໄດ້ຮັບການເຝີກອົບຮົມວຽກງານການຄຸ້ມຄອງ ການປຸກສ້າງໂຮງຮຽນຫ້ອງກຽມປະຖົມໂດຍຊຸມຊົນເປັນເຈົ້າການ, ພາຍໃຕ້ໂຄງການ ການສຶກສາກ່ອນໄວຮຽນ, ໂດຍຈຸດປະສົງຂອງໂຄງການ ແມ່ນເພື່ອສະໜັບສະໜູນ ຂະແໜງການສຶກສາດ້ວຍການ ພັດທະນາອາຄານສະຖານທີ່ ພາຍໃນໂຮງຮຽນໃຫ້ມີຄວາມເໝາະສົມ. ກອງປະຊຸມດັ່ງກ່າວໄດ້ຈັດຂື້ນໃນຕອນເຊົ້າທີ 31 ຕຸລາ 2018 ນີ້ ທີພະແນກສຶກສາທິການ ແລະ ກິລາ ແຂວງ ອັດຕະປື ໂດຍພາຍໃຕ້ການໃຫ້ກຽດເປັນປະທານຂອງ ທ່ານ ເວຫາ ກົມມະເມືອງ ຄະນະພະແນກສຶກສາທິການ ແລະ ກິລາແຂວງ, ມີ ທ່ານ ພູທອນ ໄຊຍະແສງ ຫົວໜ້າຂະແໜງ ບໍລິຫານພະແນກສຶກສາແຂວງ, ທ່ານ ສອນວິໄລ ສິງທະວົງ ວິຊາການພະແນກ ຄຸ້ມຄອງກໍ່ສ້າງ ສ້ອມແປງ, ກົມການເງິນ ກະຊວງສຶກສາທິການ ແລະ ກິລາ -ຫົວໜ້າຄະນະຈັດເຝີກອົບຮົມ, ມີຄະນະຫ້ອງການສຶກສາທິການ ແລະ ກິລາເມືອງ ຊານໄຊ ແລະ ເມືອງ ສະໜາມໄຊ ພ້ອມວິຊາການ, ຄະນະພັດທະນາການສຶກສາ ຂັ້ນບ້ານ ເປົ້າໝາຍຈາກ 2 ເມືອງດັ່ງກ່າວ ພ້ອມດ້ວຍບັນດາຄູເຝີກຂັ້ນສູນກາງ, ຂັ້ນແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມຢ່າງຄົບຖ້ວນ. ຄະນະພັດທະນາການສຶກສາ ຂັ້ນບ້ານເປົ້າໝາຍ ທີ່ໄດ້ຮັບການເຝີກອົບຮົມຄັ້ງນີ້ ປະກອບມີ: ເມືອງ ສະໜາມໄຊ ມີ 4 ບ້ານຄື: ບ້ານ ໂຄກກ່ອງ, ບ້ານ ບຸ່ງແກ້ວ, ບ້ານ ອຸດົມໄຊ ແລະ ບ້ານ ໄຊດອນໂຂງ; ເມືອງຊານໄຊ ປະກອບມີ 4 ບ້ານ ຄື: ບ້ານ ດາກກະນາດ, ບ້ານ ດາກປອກໃໝ່, ບ້ານ ດາກປອກເກົ່າແລະ ບ້ານ ດາກຊຶມ. ການເຝີກອົບຮົມຄັ້ງນີ້ ຈະດຳເນີນໄປເປັນເວລາ 3 ວັນ ( 31/10/2018-2/11/2018)

 

ບົດຂ່າວໂດຍ: ພົມວິຫານ ໄຊຊະນະ                                                                                      
ລົງເວັບໂດຍ: ອຸໄລວັນ ດວງບຸບຜາ