ຍິນດີຕ້ອນຮັບສູ່ເວັບໄຊ ພະແນກສຶກສາທິການ ແລະ ກິລາ ແຂວງອັດຕະປື. 5 ຫຼັກມູນການສຶກສາ: ປັນຍາສຶກສາ, ຄຸນສົມບັດສຶກສາ, ແຮງງານສຶກສາ, ພະລະສຶກສາ ແລະ ສິລະປະສຶກສາ. 3 ລັກສະນະ: ລັກສະນະຊາດ, ລັກສະນະວິທະຍາສາດ ແລະ ທັນສະໄໝ, ລັກສະນະມະຫາຊົນ

ສກມ ສາມັກຄີໄຊ ສ້າງຄວາມເຂັ້ມແຂງ ໃຫ້ຄູສອນ ວິຊາ ພາສາລາວ ແລະ ຄະນິດສາດ ຊັ້ນປ4 ແລະ ປ5 ທົ່ວເມືອງ

T1 n
 
  ຄະນະພັກ-ຄະນະບໍລິຫານການສຶກສາ ແລະ ກິລາ ເມືອງ ສາມັກຄີໄຊ ແຂວງ ອັດຕະປື ເພີ່ມທະວີ ເອົາໃຈໃສ່ການປະຕິບັດ ແຜນພັດທະນາຄຸນນະພາບການ ສຶກສາ ສົກຮຽນ 2018-2019   
 
 
 
 
 
t4 nt2 n
 
ໃຫ້ມີປະສິດທິພາບ ແລະ ປະສິດທິຜົນສູງຂື້ນກ່ວາເກົ່າ,ໂດຍຖືເອົາການພັດທະນາຄວາມຮູ້, ຄວາມສາມາດ ແລະ ສ້າງຄວາມເຂັ້ມແຂງ ທາງດ້ານວິຊາການໃຫ້ພະນັກງານ ຄູ-ອາຈານ ທີ່ສິດສອນໃນຊັ້ນປະຖົມໃນບັນດາໂຮງຮຽນແຫ່ງຕ່າງໆໃນທົ່ວເມືອງຢ່າງທົ່ວເຖິງ.ໃນຕອນເຊົ້າທີ 27 ສິງຫາ 2018 ນີ້ ຫ້ອງການສຶກສາທິການ ແລະ ກິລາເມືອງສາມັກຄີໄຊ ແຂວງ ອັດຕະປືໄດ້ຈັດພິທີເປີດການເຝິກອົບຮົມບຳລຸງວິຊາພາສາລາວ ແລະ ຄະນິດສາດ ຊັ້ນ ປ4 ແລະ ປ5 ໃຫ້ຄູສອນຊັ້ນປະຖົມສຶກສາໃນທົ່ວເມືອງ, ພິທີດັ່ງກ່າວ ໄດ້ຈັດຂື້ນຢ່າງເປັນທາງການທີ່ຫ້ອງປະຊຸມ ຫ້ອງການ ສຶກສາທິການ ແລະ ກິລາ ເມືອງສາມັກຄີໄຊ ພາຍໃຕ້ການເປັນປະທານຂອງ ທ່ານ ລຸນນິສັນ ທອງທິບຫົວໜ້າຫ້ອງການສຶກສາທິການ ແລະ ກິລາເມືອງ, ແລະ ການໃຫ້ກຽດເປັນປະທານຮ່ວມຂອງ ທ່ານ ສົມໄຕ ຫີນເພັດດາວົງ ຄະນະພະແນກສຶກສາທິການ ແລະ ກິລາ ແຂວງ, ມີບັນດາຄູເຝີກ ແລະ ສຳມະນາກອນເປົ້າໝາຍຈາກ ໂຮງຮຽນປະຖົມແຫ່ງຕ່າງໆໃນທົ່ວເມືອງເຂົ້າຮ່ວມທັງໝົດ 40 ກ່ວາຄົນ, ສຳລັບສະຖານທີ່ ການເຝີກອົບຮົມແມ່ນຢູ່ໂຮງຮຽນປະຖົມເຊກອງ, ເມືອງສາມັກຄີໄຊ. (ການເຝີກອົບຮົມ ຈະໃຊ້ເວລາ 5 ວັນ ຈິ່ງຈະສຳເລັດນັບແຕ່ວັນທີ 27-31ສິງຫາ 2018)

 

ບົດຂ່າວໂດຍ: ພົມວິຫານ ໄຊຊະນະ

ລົງເວັບໂດຍ: ອຸໄລວັນ ດວງບຸບຜາ