ຍິນດີຕ້ອນຮັບສູ່ເວັບໄຊ ພະແນກສຶກສາທິການ ແລະ ກິລາ ແຂວງອັດຕະປື. 5 ຫຼັກມູນການສຶກສາ: ປັນຍາສຶກສາ, ຄຸນສົມບັດສຶກສາ, ແຮງງານສຶກສາ, ພະລະສຶກສາ ແລະ ສິລະປະສຶກສາ. 3 ລັກສະນະ: ລັກສະນະຊາດ, ລັກສະນະວິທະຍາສາດ ແລະ ທັນສະໄໝ, ລັກສະນະມະຫາຊົນ

ຄະນະການນຳ ສຶກສາແຂວງ ອັດຕະປື ເຄື່ອນໄຫວຊຸກຍູ້ການໄຂສົກຮຽນໃໝ່ ຢູ່ເມືອງຊານໄຊ.

VH1 n
 
ຄະນະການນຳ ສຶກສາແຂວງ ອັດຕະປື ເຄື່ອນໄຫວຊຸກຍູ້ການໄຂສົກຮຽນໃໝ່ ຢູ່ເມືອງຊານໄຊ.
ໃນວັນທີ 23 ສິງຫາ 2018 ຜ່ານມານີ້ ທ່ານ ເວຫາ ກົມມະເມືອງ ຄະນະພັກຮາກຖານ, ຮອງຫົວໜ້າພະແນກ ສຶກສາທິການ ແລະ ກິລາ ແຂວງ ອັດຕະປືໄດ້ລົງເຄື່ອນໄຫວຊຸກຍູ້ການໄຂ
 
 
 
 
 
 
VH2 nVH3 n
ສົກຮຽນໃໝ່ຢູ່ ເມືອງພູວົງ ,ເຊິ່ງແມ່ນໂອກາດດຽວກັນທີ່ທ່ານໄດ້ຖຶກເຊີນເປັນກຽດເຂົ້າຮ່ວມ ກອງປະຊຸມເຊື່ອມຊຶມບັນນິຕິກຳສຳຄັນຕ່າງໆຂອງສຶກສາ ເມືອງພູວົງ ໃຫ້ກັບພະນັກງານບໍລິ
ຫານ ແລະ ຄູ-ອາຈານທີ່ສິດສອນຢູ່ໃນທົ່ວເມືອງໂດຍມີຜູ້ເຂົ້າຮ່ວມທັງໝົດ 130 ກວ່າຄົນ.ໃນໂອກາດດັ່ງກ່າວ ທ່ານເວຫາ ກົມມະເມືອງ ໄດ້ຮຽກຮ້ອງໃຫ້ຄະນະບໍລິຫານສຶກສາ ແລະ ກິລາເມືອງ ແລະ ຄະນະບໍລິຫານໂຮງຮຽນທຸກແຫ່ງເອົາໃຈໃສ່ຕໍ່ແຜນພັດທະນາຄຸນນະພາບການສຶກສາຢ່າງເອົາຈິງເອົາຈັງໂດຍເນັ້ນໃຫ້ ຄະນະພັກ-ຄະນະຜູ້ບໍລິຫານ ການສຶກສາ ທຸກຂັ້ນໃສ່ວຽກງານການ ຄຸ້ມຄອງ-ບໍລິຫານ ບຸຄະລາກອນ,ວຽກງານການເງິນ ແລະ ອຸປະກອນການຮຽນ-ການສອນ ລວມທັງອາຄານສະຖານທີ່ການສິດສອນໃຫ້ມີຄວາມເຂັ້ມແຂງ ແລະ ມີຄວາມພ້ອມໃນການເປີດສົກຮຽນໃໝ່ ທີ1 ກັນຍາ 2018 ນີ້ໂດຍສົມທົບກັບອຳນາດການປົກຄອງທ້ອງຖິ່ນທຸກຂັ້ນລວມທັງ ພໍ່-ແມ່ປະຊາຊົນ ແລະ ຜູ້ປົກຄອງຂອງເດັກທຸກພາກສ່ວນໃຫ້ໄດ້ມີສ່ວນຮ່ວມ, ຄຽງຄູ່ກັນນີ້ກໍ່ຕ້ອງໄດ້ລົງເລິກເຮັດວຽກການເມືອງນຳພາແນວຄິດໃນຖັນແຖວພະນັກງານ ຄູ-ອາຈານ ແລະ ຄະນະພັດທະນາການສຶກສາຂັ້ນບ້ານໃຫ້ໜັກແໜ້ນ, ເຂັ້ມແຂງ ແລະ ທົ່ວເຖິງເພື່ອຊຸກຍູ້ສົ່ງເສີມປຸກລະດົມປະຊາຊົນບັນດາເຜົ່າໃນທ້ອງຖິ່ນທີ່ຕົນຮັບຜິດຊອບໃຫ້ໄດ້ມີສ່ວນຮ່ວມໃນ
ການພັດທະນາຄຸນນະພາບການ ສຶກສາ-ກິລາຫລາຍຂື້ນ.
 
 

ບົດຂ່າວໂດຍ: ພົມວິຫານ ໄຊຊະນະ

ລົງເວັບໂດຍ: ອຸໄລວັນ ດວງບຸບຜາ