ຍິນດີຕ້ອນຮັບສູ່ເວັບໄຊ ພະແນກສຶກສາທິການ ແລະ ກິລາ ແຂວງອັດຕະປື. 5 ຫຼັກມູນການສຶກສາ: ປັນຍາສຶກສາ, ຄຸນສົມບັດສຶກສາ, ແຮງງານສຶກສາ, ພະລະສຶກສາ ແລະ ສິລະປະສຶກສາ. 3 ລັກສະນະ: ລັກສະນະຊາດ, ລັກສະນະວິທະຍາສາດ ແລະ ທັນສະໄໝ, ລັກສະນະມະຫາຊົນ

ວິຊາການ ການເງິນ ສກມ 3 ແຂວງພາກໃຕ້ ໄດ້ຮັບການສ້າງຂີດຄວາມຮູ້-ສາມາດເພີ່ມດ້ານວິຊາການ.

A6ພະນັກງານວິຊາການ-ການເງິນ ຫ້ອງການສຶກສາທິການ ແລະ ກິລາ ເມືອງ 3 ແຂວງພາກໃຕ້ ໄດ້ຮັບການສ້າງຂີດຄວາມຮູ້-ຄວາມສາມາດເພີ່ມ ດ້ານວິຊາການ ໂດຍສະເພາະ ແມ່ນການນຳໃຊ້ Microsoft Exell 2013 ຂັ້ນພື້ນຖານ ໂດຍ ວິທະຍາກອນ ຈາກກົມການເງິນກະຊວງສຶກສາທິການ ແລະ ກິລາ ພາຍໃຕ້ການສະໜັບສະໜູນຂອງແຜນງານການປັບປຸງຄຸນນພາບ ແລະ ຂະຫຍາຍໂອກາດເຂົ້າຮຽນ ສຳລັບການສຶກສາຂັ້ນພື້ນຖານ ໃນ ສປປ ລາວ(BEQUAL).   icon new

A5

 ການເຝິກອົບຮົມການນຳໃຊ້ Microsoft Exell 2013 ຂັ້ນພື້ນຖານດັ່ງກ່າວ ໄດ້ເປີດຂື້ນຢ່າງເປັນທາງການ ໃນຕອນເຊົ້າຂອງວັນທີ 9 ກໍລະກົດ 2018 ນີ້ ທີ່ຫ້ອງປະຊຸມພະແນກສຶກສາທິການ ແລະ ກິລາ ແຂວງອັດຕະປື ພາຍໃຕ້ການໃຫ້ກຽດເຂົ້າຮ່ວມເປັນປະທານ ແລະ ກ່າວເປີດພິທີຂອງທ່ານ ອຸດົມສິນ ສິຊານົນ ຮອງຫົວໜ້າພະແນກສຶກສາທິການ ແລະ ກິລາ ແຂວງອັດຕະປື, ມີວິທະຍາກອນ ຈາກກົມການເງິນ ສສກ, ວິຊາການ-ການເງິນພະແນກສຶກສາ ແລະ ນັກສໍາມະນາກອນ ຫ້ອງການສຶກສາທິການ ແລະ ກິລາເມືອງກ ຈາກແຂວງ ສາລະວັນ, ເຊກອງ, ອັດຕະປື ແລະ ວິທະຍາໄລສ້າງຄູສາລະວັນ ລວມທັງໝົດຈໍານວນ 50 ກວ່າຄົນເຂົ້າຮ່ວມ. ການເຝີກອົບຮົມຄັ້ງນີ້ ຈະໃຊ້ເວລາທັງໝົດ 5 ວັນ ຈິ່ງຈະສຳເລັດ ແລະ ປິດລົງຢ່າງເປັນທາງການ.

 

ບົດຂ່າວໂດຍ:   ພົມວິຫານ ໄຊຊະນະ
ລົງເວັບໄຊໂດຍ: ກຽງໄກ  ອູ້ມວົງ