ຍິນດີຕ້ອນຮັບສູ່ເວັບໄຊ ພະແນກສຶກສາທິການ ແລະ ກິລາ ແຂວງອັດຕະປື. 5 ຫຼັກມູນການສຶກສາ: ປັນຍາສຶກສາ, ຄຸນສົມບັດສຶກສາ, ແຮງງານສຶກສາ, ພະລະສຶກສາ ແລະ ສິລະປະສຶກສາ. 3 ລັກສະນະ: ລັກສະນະຊາດ, ລັກສະນະວິທະຍາສາດ ແລະ ທັນສະໄໝ, ລັກສະນະມະຫາຊົນ

ສກຂ ອັດຕະປື ຈັດພິທີເປີດການສອບເສັງຈົບຊັ້ນ ມ7 ສົກ 2017-2018.


s11

 

 

ການສອບເສັງຈົບຊັ້ນ ມ7 ແຂວງອັດຕະປື ສົກ 2017-2018 ນີ້ ທ່ານ ຫົວໜ້າພະແນກສຶກສາທິການ ແລະ ກິລາ ແຂວງ ໄດ້ຖືເປັນບັນຫາສຳຄັນຫລັກໃນການປະເມີນຜົນການຈັດຕັ້ງປະຕິບັດວຽກງານ ພັດທະນາຄຸນນະພາບການສຶກສາ ແລະ ກິລາ ຂອງຜູ້ບໍລິຫານການສຶກາ ແລະ ກິລາທຸກຂັ້ນ,ການຮຽນ-ການສອນ ຂອງຄູ-ອາຈານ ແລະ ນັກຮຽນ ລວມໄປທັງ ການປະກອບສ່ວນໃຫ້ການຮ່ວມມືຂອງທຸກອົງການຈັດຕັ້ງສັງຄົມພໍ່ແມ່ ແລະ ຜູູ້ປົກ ຄອງເດັກ ຕໍ່ກັບວຽກງານສຶກສາ ແລະ ກິລາ. ໂດຍ ໄດ້ເນັ້ນເອົາຄຸນນະຕົວຈິງ ໃນການສອບເສັງຄັ້ງນີ້ ເປັນຕົວຊີ້ວັດ ເລັງໃສ່ ແກ້ໄຂ- ປັບປຸງ ແລະ ສົ່ງເສີມ ຍົກສູງຄຸນນະພາຍການສຶກສາ ແລະ ກິລາໃນສົກຕໍ່ໜ້າ ໃຫ້ໄດ້ດີຂື້ນກ່ວາເກົ່າ. icon new

 

ໃນຕອບບາຍທີ 18 ມິຖຸນາ 2018 ນີ້ ພະແນກສຶກສາທິການ ແລະ ກິລາ ແຂວງ ອັດຕະປື ຈັດພິທີເປີດການສອບເສັງຈົບຊັ້ນ ມ7 ປະຈຳສົກຮຽນ 2017-2018 ຂື້ນຢ່າງເປັນທາງການ ທີ່ຫໍປະຊຸມໃຫຍ່ຂອງແຂວງ ພາຍໃຕ້ການເປັນປະທານຂອງ ທ່ານ ຄຳພູນ ແກ້ວມາລາ ຫົວໜ້າພະແນກສຶກສາທິການ ແລະ ກິລາ ແຂວງ ແລະ ການເປັນກຽດເຂົ້າຮ່ວມຂອງທ່ານ ພູວຽງ ວົງພະຈັນ ຮອງຫົວໜ້າພະແນກປະເມີນຜົນກົມກໍ່ສ້າງຄູ ກະຊວງສຶກສາທິການ ແລະ ກິລາ ມີ ຄະນະປະທານ, ຄະນະ ຮັບຜິດຊອບສູນສອບເສັງ, ອະນຸກຳມະການຄວບຄຸມຫ້ອງສອບເສັງ ແລະ ນ້ອງນັກສອບເສັງຈົບຊັ້ນ ມ7 ເຂົ້າຮ່ວມຢ່າງຫລວງຫລາຍ.ໃນສົກນີ້ ທົ່ວແຂວງອັດຕະປື ມີນັກສອບເສັງຈົບຊັ້ນ ມ7 ເຂົ້າຮ່ວມການສອບເສັງ ທັງໝົດ 1.372 ຄົນ,ຍິງ 613 ຄົນ, ໂດຍແບ່ງອອກເປັນ 10 ສູນສອບເສັງ ໃນທົ່ວແຂວງ, ມີ 70 ຫ້ອງສອບເສັງ, ສະເລ່ຍ 1 ຫ້ອງ ມີນັກສອບເສັງ21-22 ຄົນ, ນຳໃຊ້ອະນຸກຳມະການຍາມຫ້ອງສອບເສັງ 2ຄົນ/ຫ້ອງ, ແລະ ແຕ່ລະສູນສອບເສັງ ມີແພດປະຈຳ 2 ຄົນ. ສອບເສັງ 4 ວິຊາຫລັກຄື: ພາສາລາວ-ວັນນະຄະດີ, ຊີວະສາດ, ຄະນິດສາດ ແລະ ພູມສາດ ການສອບເສັງ ໃຊ້ເວລາ 2 ວັນ ຄື: ທີ 19-20 ມິຖຸນາ 2018.s22

 
ບົດຂ່າວໂດຍ: ພົມວິຫານ ໄຊຊະນະ
ລົງເວັບໄຊໂດຍ: ກຽງໄກ ອູ້ມວົງ