ຍິນດີຕ້ອນຮັບສູ່ເວັບໄຊ ພະແນກສຶກສາທິການ ແລະ ກິລາ ແຂວງອັດຕະປື. 5 ຫຼັກມູນການສຶກສາ: ປັນຍາສຶກສາ, ຄຸນສົມບັດສຶກສາ, ແຮງງານສຶກສາ, ພະລະສຶກສາ ແລະ ສິລະປະສຶກສາ. 3 ລັກສະນະ: ລັກສະນະຊາດ, ລັກສະນະວິທະຍາສາດ ແລະ ທັນສະໄໝ, ລັກສະນະມະຫາຊົນ

ອັດຕະປືຈັດການສອບເສັງຈົບຊັ້ນມັດທະຍົມສຶກສາຕອນຕົ້ນ ( ມ4) ປະຈຳສົກຮຽນ 2017-2018.

 a5

ໃນສົກຮຽນ 2017-2018 ນີ້ ທົ່ວແຂວງ ອັດຕະປື ຈະມີນັກສອບເສັງຈົບຊັ້ນມັດທະຍົມສຶກສາຕອນຕົ້ນ ( ມ4) ທັງໝົດ ຈໍານວນ 2.137 ຄົນ, ຍິງ 1.004 ຄົນ.ໂດຍແບ່ງອອກເປັນ 21 ສູນການສອບເສັງ ພາຍໃນ 5 ຕົວເມືອງ ຂອງແຂວງ ໂດຍສະເລ່ຍແລ້ວ 21-22 ຄົນຕໍ່ຫ້ອງ ແລະ ນໍາໃຊ້ຊອະນຸກໍາມະການຄວບຄຸມຫ້ອງເສັງ 2 ຄົນຕໍ່ຫ້ອງ.   

 a4 ໃບບັ້ນເປີດການດຳເນີນສອບເສັງຈົບຊັ້ນ ມັດທະຍົມຕອນຕົ້ນ ( ມ4) ສົກ 2017-2018 ນີ້ ພະແນກສຶກສາທິການ ແລະ ກິລາ ແຂວງ ອັດຕະປື ໄດ້ກຳນົດໃຫ້ມີ ພິທີເປີດການ ເປັນເອກະພາບກັນໃນທຸກໆສູນການສອບເສັງ ໃນທົ່ວແຂວງ ໂດຍກຳນົດໃຫ້ທຸກສູນຈັດພິທີເປີດຢ່າງເປັນທາງການ ໃນຕອນບ່າຍຂອງວັນທີ 11 ມິຖຸນາ 2018 ແລະ ເພື່ອກຽມພ້ອມເຂົ້າສູ່ບັ້ນດຳເນີນການສອບເສັງ ໃນວັນທີ 12 – 14 ມິຖຸນາ 2018 , ເຊີ່ງເປັນເອກະພາບກັນທຸກດ້ານໃນຂອບເຂດທົ່ວປະເທດ ທີ່ກະຊວງສຶກສາທິການ ແລະ ກິລາໄດ້ວາງອອກ, ສະເພາະສູນສອບເສັງໃຫຍ່ຂອງແຂວງ ຄື ສູນສອບ ເສັງໂຮງຮຽນ ມສ ຈັນທາ ແມ່ນໄດ້ຈັດພິທີເປີດຢ່າງເປັນທາງການ ທີ່ຫໍປະຊຸມໃຫຍ່ຂອງແຂວງ ພາຍໃຕ້ການເປັນປະທານຂອງ ທ່ານ ຄຳພູນ ແກ້ວມາລາ ຫົວໜ້າພະແນກສຶກສາທິການ ແລະ ກິລາ ແຂວງ ມີຄະນະຮັບຜິດຊອບການສອບເສັງຈົບຊັ້ນ, ຄະນະຮັບຜິດຊອບສູນການສອບເສັງ, ອະນຸກຳມະການຄວບຄຸມຫ້ອງສອບເສັງ ແລະ ນ້ອງນັກສອບເສັງປະຈຳສູນດັ່ງກ່າວເຂົ້າຮ່ວມຢ່າງຫລວງຫລາຍ.<<………………………………….>>

ບົດຂ່າວໂດຍ:   ພົມວິຫານ ໄຊຊະນະ
ລົງເວັບໄຊໂດຍ:   ກຽງໄກ ອູ້ມວົງ