ຍິນດີຕ້ອນຮັບສູ່ເວັບໄຊ ພະແນກສຶກສາທິການ ແລະ ກິລາ ແຂວງອັດຕະປື. 5 ຫຼັກມູນການສຶກສາ: ປັນຍາສຶກສາ, ຄຸນສົມບັດສຶກສາ, ແຮງງານສຶກສາ, ພະລະສຶກສາ ແລະ ສິລະປະສຶກສາ. 3 ລັກສະນະ: ລັກສະນະຊາດ, ລັກສະນະວິທະຍາສາດ ແລະ ທັນສະໄໝ, ລັກສະນະມະຫາຊົນ.

ສກຂ ອັດຕະປື ໄດ້ຖືກຮັບຮອງເປັນນັກຂ່າວດີເດັ່ນ

new  ປີນີ້ ຜູ້ຮັບຜິດຊອບວຽກງານໂຄສະນາຂ່າວສານ ສກຂ ອັດຕະປືໄດ້ຖືກຮັບຮອງເປັນນັກຂ່າວດີເດັ່ນ ຂອງຂະແໜງ ການສຶກສາ-ກິລາ ທົ່ວປະເທດອີກຄັ້ງ.ດ້ວຍຜົນງານປະກອບສ່ວນ ຢ່າງຕັ້ງໜ້າ ໃນການ ໂຄສະນາຂ່າວສານວຽກງານສຶກສາ ແລະ ກິລາ ຕາມແນວທາງນະ ໂຍບາຍ ຂອງຂັ້ນເທິງ, ເຊີ່ງໃນຄັ້ງນີ້ ມີ 6 ສະຫາຍ, ຍິງ 2 ສະຫາຍ, ຈາກ 6 ແຂວງ ໃນຂອບເຂດທົ່ວປະເທດ  icon new

 

 

new1ທີ່ໄດ້ຮັບການຍ້ອງຍໍ ເປັນນັກຂ່າວດີເດັ່ນ ຂັ້ນກະຊວງ , ປະກອບມີ ນັກຂ່າວ ຈາກ ສກຂ ຈຳປາສັກ, ສກຂ ອັດຕະປື, ສກຂ ຊຽງຂວາງ, ສກຂ ສະຫວັນນະເຂດ, ສກຂ ຫລວງນ້ຳທາ ແລະ ສກຂ ໄຊຍະບູລີ, ພິທີມອບ-ຮັບໃບຍ້ອງຍໍອັນສູງກຽດຄັ້ງນີ້ໄດ້ມີຂື້ນໃນວາລະ ກອງປະຊຸມສະຫລຸບຖອດຖອນບົດຮຽນ ວຽກງານໂຄສະນາຂ່າວສານຂອງຂະແໜງການ ສຶກສາ ແລະ ກິລາທົ່ວປະເທດ ປີ2017 ທີ່ບ້ານ ພັກຄູນຊັບ ເມືອງ ແກ້ວອຸດົມ ແຂວງ ວຽງຈັນ ທີ 14 ພະຈິກ 2017 ເປັນກຽດມອບໂດຍທ່ານ ບົວລານ ສີລີປັນຍາ ຮອງລັດຖະມົນຕີກະຊວງ ສຶກສາທິການ ແລະ ກິລາ, ແລະ ພ້ອມດຽວກັນ ທ່ານ ນ ດຣ ຄິມຊີມິນ ອາສາສະໝັກ ຈາກອົງການກອຍກ້າ ປະເທດ ສ ເກົາຫລີ ປະຈຳສູນໂຄສະນາຂ່າວສານ ສສກ ໄດ້ມອບໄວຟາຍ ( WIFI) ໃຫ້ຜູ້ທີ່ເປັນນັກຂ່າວດີເດັ່ນຜູ້ລະ 1 ເຄື່ອງ ເປັນລາງວັນ.

 

ບົດຂ່າວໂດຍ:   ພົມວິຫານ ໄຊຊະນະ
ລົງເວັບໄຊ໌ໂດຍ: ກິຕາ ສິດທິຮັກປັນຍາ