ຍິນດີຕ້ອນຮັບສູ່ເວັບໄຊ ພະແນກສຶກສາທິການ ແລະ ກິລາ ແຂວງອັດຕະປື. 5 ຫຼັກມູນການສຶກສາ: ປັນຍາສຶກສາ, ຄຸນສົມບັດສຶກສາ, ແຮງງານສຶກສາ, ພະລະສຶກສາ ແລະ ສິລະປະສຶກສາ. 3 ລັກສະນະ: ລັກສະນະຊາດ, ລັກສະນະວິທະຍາສາດ ແລະ ທັນສະໄໝ, ລັກສະນະມະຫາຊົນ.

ສກຂ ອັດຕະປື ດຳເນີນການແຈ້ງຊັບສີນ ຮອບ 2

 changsubsih    ໃນຕອນເຊົ້າທີ 18 ຕຸລາ 2017 ນີ້ ພະແນກສຶກສາທິການ ແລະ ກິລາ ແຂວງ ອັດຕະປືໄດ້ເປີດກອງປະຊຸມດຳເນີນການແຈ້ງຊັບສິນຮອບ 2 ຂອງພະນັກງານລັດຖະກອນຄູພາຍໃນ ພະແນກແລະ 3 ສູການສຶກສາທີ່ຂື້ນກັບ, ພາຍໃຕ້ການເປັນປະທານຂອງທ່ານ ເວຫາ ກົມມະເມືອງ ຄະນະພັກຮາກຖານ, ປະທານກວດກາພັກຮາກຖານພະແນກສຶກສາ  icon new

 

 

changsubsih1

ທັງເປັນຄະນະພະແນກສຶກສາທິການ ແລະ ກິລາ ແຂວງ ແລະ ການເປັນກຽດເຂົ້າຮ່ວມຂອງ ທ່ານຄຳພູນແກ້ວມາລາເລຂາພັກຮາກຖານ ຫົວໜ້າພະແນກສຶກສາທິການ ແລະ ກິລາ ແຂວງ, ພ້ອມດ້ວຍຫົວໜ້າຂະແໜງຮອງຂະແໜງ ແລະ ວິຊາການທີ່ຂື້ນກັບພະແນກເຂົ້າຮ່ວມທັງໝົດ 50 ກວ່າຄົນ.
      ກອງປະຊຸມຄັ້ງນີ້ທ່ານ ເວຫາ ກົມມເມືອງ ໄດ້ຜັນຂະຫຍາຍບົດແນະນຳການຈັດຕັ້ງປະຕິບັດດຳລັດ ວ່າດ້ວຍການແຈ້ງຊັບສິນ (ສະບັບປັບປຸງ) ສະບັບເລກທີ 46/ອກລ; ນະຄອນຫລວງ, ລົງວັນທີ 20 ກຸມພາ 2017. ຢ່າງລະອຽດ ເພື່ອໃຫ້ທຸກພາກສ່ວນ ທີ່ເຂົ້າຮ່ວມມີຄວາມເຂົ້າໃຈໄດ້ຢ່າງຖຶກຕ້ອງ, ເລິກເຊີ່ງໃນການແຈ້ງຊັບສິນ, ແລະຈຸດປະສົງ, ຄາດໝາຍ ວຽກງານກວດກາຊັບສິນ, ແຈ້ງຊັບສິນ ແລະ ລາຍຮັບຂອງພະນັກງານທຸກຂັ້ນ ໃນແຕ່ລະໄລຍະໃຫ້ມີຄວາມລະອຽດຈະແຈ້ງ ແລະ ໂປ່ງໃສ ຂາວສະອາດຕາມ ແນວທາງຂອງພັກ ແລະ ລັດຖະບານ ແນໃສ່ການສະກັດກັ້ນ ແລະ ຕ້ານການສໍ້ລາດບັງຫລວງຂອງຖັນແຖວພະນັກງານທຸກຂັ້ນ ໃນກົງຈັກການຈັດຕັ້ງຂອງລັດ ເພື່ອປະກອບສ່ວນ ເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງ ສີວິໄລ ແລະ ສັງຄົມມີຍຸດຕິທຳ.

 

ບົດຂ່າວໂດຍ:   ພົມວິຫານ ໄຊຊະນະ
ລົງເວັບໄຊ໌ໂດຍ: ກິຕາ ສິດທິຮັກປັນຍາ