ຍິນດີຕ້ອນຮັບສູ່ເວັບໄຊ ພະແນກສຶກສາທິການ ແລະ ກິລາ ແຂວງອັດຕະປື. 5 ຫຼັກມູນການສຶກສາ: ປັນຍາສຶກສາ, ຄຸນສົມບັດສຶກສາ, ແຮງງານສຶກສາ, ພະລະສຶກສາ ແລະ ສິລະປະສຶກສາ. 3 ລັກສະນະ: ລັກສະນະຊາດ, ລັກສະນະວິທະຍາສາດ ແລະ ທັນສະໄໝ, ລັກສະນະມະຫາຊົນ.

ພິທີການມອບ-ຮັບໃບຍ້ອງຍໍຜົນງານອັນສູງກຽດ

day1     ສົກນີ້ ທົ່ວຂະແໜງການສຶກສາ ແລະ ກິລາ ແຂວງອັດຕະປື ມີ 470 ສະຫາຍ ແລະ 13 ກົມກອງ ໄດ້ຮັບໃບຍ້ອງຍໍ ປະເພດ 1 ຂັ້ນກະຊວງ ຈາກການປະກອບສ່ວນຜົນງານ ເຂົ້າໃນການປະຕີບັດແຜນ ພັດທະນາຄຸນນະພາບການສຶກສາຢ່າງຕັ້ງໜ້າ ໃນສົກຮຽນ 2016-2017 ຜ່ານມານີ້ ໃນທົ່ວແຂວງ ອັດຕະປື ມີພະນັກງານຄູອາຈານຈຳນວນ 470 ສະຫາຍ  icon new

 

 

 

day

ຍິງ 170 ສະຫາຍ ແລະ 13 ກົມກອງທີ່ຖຶກຄັດເລືອກເປັນບຸກຄົນ ແລະ ກົມກອງ ທີ່ມີຜົນງານດີເດັ່ນ ໄດ້ຮັບໃບຍ້ອງປະເພດ 1 ຂັ້ນກະຊວງສຶກສາທິການ ແລະ ກິລາ, ຂະນະທີ່ພະແນກສຶກສາທິການ ແລະ ກິລາປະກອບມີ 3 ສູນທີ່ຂຶ້ນກັບ, ມີໂຮງຮຽນລ້ຽງເດັກ ແລະ ອະນຸບານ 37 ແຫ່ງ; ມີໂຮງຮຽນປະຖົມສຶກສາ 188 ແຫ່ງ; ມີໂຮງຮຽນມັດທະຍົມຕອນຕົ້ນ 23 ແຫ່ງ; ໂຮງຮຽນມັດທະຍົມຕອນປາຍ 1 ແຫ່ງ; ໂຮງຮຽນມັດທະຍົມສົມບູນ 15 ແຫ່ງ ແລະໂຮງຮຽນວິຊາຊີບ 2 ແຫ່ງ(ເອກະຊົນ 1ແຫ່ງ); ມີລັດຖະກອນ ທັງໜົດ 2109 ຄົນ, ຍິງ 1122 ຄົນ.
         ພິທີການມອບ-ຮັບໃບຍ້ອງຍໍຜົນງານອັນສູງກຽດ ຄັ້ງນີ້ໄດ້ມີຂື້ນທ່າມກາງງານສະເຫລີມສະຫລອງວັນຄູແຫ່ງຊາດທີ 7 ຕຸລາ 2017 ຄົບ 23 ປີຂອງແຂວງ ອັດຕະປື ທີ່ຫ້ອງການສຶກສາທິການ ແລະ ກິລາ ເມືອງ ສາມັກຄີໄຊຮັບກຽດເປັນເຈົ້າພາບ ຊື່ງໄດ້ຂື້ນທີ່ ຫໍປະຊຸມໃຫຍ່ຂອງແຂວງ ໃນຄັ້ງວັນທີ 4 ຕຸລາ 2017 ຜ່ານມານີ້, ໂດຍ ແມ່ນທ່ານ ຄໍາພູນ ແກ້ວມາລາ ເລຂາພັກຮາກຖານ, ຫົວໜ້າພະແນກສຶກສາ ທິການ ແລະ ກິລາ ແຂວງ ອັດຕະປື, ເປັນກຽດຕາງໃຫ້ໜ້າກະຊວງສຶກສາທິການ ແລະ ກິລາຂື້ນມອບ ແລະຮັບໂດຍຜູ້ຕາງໜ້າບຸກຄົນ ແລະ ກົມກອງແຕ່ລະພາກສ່ວນຢ່າງສົມກຽດ.

 

ບົດຂ່າວໂດຍ:   ພົມວິຫານ ໄຊຊະນະ
ລົງເວັບໄຊ໌ໂດຍ: ກິຕາ ສິດທິຮັກປັນຍາ