ຍິນດີຕ້ອນຮັບສູ່ເວັບໄຊ ພະແນກສຶກສາທິການ ແລະ ກິລາແຂວງອັດຕະປື. 5 ຫຼັກມູນການສຶກສາມີ: ປັນຍາສຶກສາ, ຄຸນສົມບັດສຶກສາ, ແຮງງານສຶກສາ, ພະລະສຶກສາ ແລະ ສິລະປະສຶກສາ. 3 ລັກສະນະມີ: ລັກສະນະຊາດ, ລັກສະນະວິທະຍາສາດ ແລະ ທັນສະໄໝ, ລັກສະນະມະຫາຊົນ.

ສກມ ສາມັກຄີໄຊ ແຂວງ ອັດຕະປື ເປີດກອງປະຊຸມ ຜູ້ບໍລິຫານການສຶກສາ ທົ່ວເມືອງ ສົກ 2016-2017

admin   ໃນຕອນເຊົ້າ ທີ 3 ສິງຫາ 2017 ນີ້ ຫ້ອງການສຶກສາທິການ ແລະ ກິລາເມືອງ ສາມັກຄີໄຊ ແຂວງອັດຕະປື ເປີດກອງປະຊຸມ ຜູ້ບໍລິຫານການສຶກສາ ທົ່ວເມືອງປະຈຳສົກ 2016-2017 ຂື້ນຢ່າງເປັນທາງການ ທີ່ສະໂມສອນ icon new
admin1ຫ້ອງວ່າການປົກຄອງ ເມືອງສາມັກຄີໄຊ ພາຍໃຕ້ການໃຫ້ ກຽດເປັນປະທານ ຂອງທ່ານ ນ ພຸດມະໄລພອນ ແກ້ວວົງສາຮອງເຈົ້າເມືອງ ສາມັກຄີໄຊ, ທ່ານ ພູທອນ ໄຊຍະແສງ ຫົວໜ້າຂະແໜງບໍລິຫານການສຶກສາ-ກິລາແຂວງ, ມີ ທ່ານ ລຸນນິສັນ ທອງທິບ ຫົວໜ້າຫ້ອງການສຶກສາທິການ ແລະ ກິລາເມືອງ ພ້ອມຄະນະ ບໍລິຫານການສຶກສາ-ກິລາ ທຸກຂັ້ນຈາກໂຮງຮຽນແຫ່ງຕ່າງໆ ທັງພາກລັດ ແລະ ເອກະຊົນ ທີ່ຂື້ນກັບ ແລະ ວິຊາການທີ່ກ່ຽວຂ້ອງ, ມີອຳນາດການປົກຄອງທ້ອງຖິ່ນອ້ອມຂ້າງເຂົ້າຮ່ວມຢ່າງຄົບຖ້ວນ.
     ກອງປະຊຸມຄັ້ງນີ້ໄດ້ສະຫຼຸບ ຕີລາຄາຄືນຜົນການຈັດຕັ້ງປະຕິບັດ ວຽກງານພັດທະນາຄຸນນະພາບການສຶກສາແລະ ກິລາ ໃນໜຶ່ງສົກຮຽນ ທີ່ຜ່ານ ແລະ ວາງທິດທາງແຜນການການຄຸ້ມຄອງ-ບໍລິຫານການສຶກສາ-ກິລາ ໃນສົກຕໍ່ໜ້າຮ່ວມກັນ, ເລັງໃສ່ເຮັດໃຫ້ ຄຸນນະພາບການ ສຶກສາໃຫ້ສູງຂື້ນເປັນກ້າວໆ ໃນຕໍ່ໜ້າ ໂດຍໄປຕາມ 3 ລັກສະນະ 5 ຫລັກມູນຂອງຂະແໜງການສຶກສາ ກໍ່ຄືຕາມ ແນວທາງນະໂຍບາຍທີ່ພັກ ແລະ ລັດຖະບານໄດ້ວາງອອກໃຫ້ປະກົດຜົນເປັນຈິງ.
 
ບົດຂ່າວໂດຍ:   ພົມວິຫານ ໄຊຊະນະ
ລົງເວັບໄຊ໌ໂດຍ: ກິຕາ ສິດທິຮັກປັນຍາ